前港姐婚后不时传出有喜,今天终于松口承认怀孕:小生命快来到我们的家庭了!

-回复 -浏览
楼主 2022-06-22 10:53:05
举报 只看此人 收藏本贴 楼主

前港姐冠军叶翠翠去年7月同圈外建筑师男友周晓东结婚,两人不时传出有喜。上周叶翠翠忽然喺微博甫咗两公婆合照,留言:「我们准备好了!」,唔通准备好做人父母?网民即刻留言恭喜佢哋,仲叫佢注意身体。




点知post出咗40分钟之后,叶翠翠就甫咗两张老公煮嘢食嘅相,留言:「其实我哋系准备好今晚开派对。今日我会大演身手煮十个餸。」究竟佢哋真系预备开party,定系未系时候公布喜讯呢?




不过Miss.k就发现平时逢tea必到嘅翠翠,连月都谢绝应酬,就连闺密趁转季想约佢血拼佢都唔去,绝对系一反常态。有知情人曝料:「呢几个月都冇见过佢,约佢都唔出嚟,话好攰要休息。其实都估佢『有啲野嘅』,但系人的唔讲即系未讲得住啦,咁大家都识做,费事问啦!」



噚日佢同老公出街,个人睇落「阔」咗咁噃!唔通......有喜事?随后直接打俾翠翠求证,笑咗一轮嘅翠翠亦唔转弯抹角,一口承认有喜。佢话:「系有咗3个几4个月呀!因为老公怕BB小器,之前全部人都冇讲,屋企人都系上一两个星期先知道。」



问到翠翠系咪等今日等咗好耐,佢就话:「都系呀,一直都有调理身体,知道有咗好开心,呢个系上天送俾我嘅礼物,我系生日前知道呢件事,而预产期就会喺老公生日前,至于呢个消息可以讲得俾人知嘅日子,又咁啱系奶奶生日,所以呢份系送俾奶奶最好嘅生日礼物。」




不过,翠翠话最紧要系BB健康,仔女唔系最重要,佢又话老公、老爷同奶奶都好开心,已下令佢哋要搬去一齐住。翠翠仲话:「老公话人生最开心两件事,第一件事系同我结婚,第二件事件就系我有咗BB。」问到冇BB系男定女,翠翠就唔肯透露:「其实性别未肯定嘅,但系我一向有睇中医,中医都俾咗贴士我的,老公知道都好开心,话一定要似佢。」




翠翠有喜,最紧张嘅一定系老公Raymond,除咗出街当正老婆系「受保护动物」之外,翠翠仲爆老公知道佢有咗之后发生唔少趣事,每次做妇科检查老公都要同佢一齐去,有次去做检查,BB其实只有2cm大,老公都话BB好似佢,就连医生都忍唔住笑。




甚至验到怀孕嗰日其实亦有笑料,翠翠话:「知道嗰日系朝早,但系我忍住唔讲,等到差唔多黄昏6点打俾老公,话俾佢知我好唔舒服,叫佢即刻返嚟,其实我已经喺厕所set咗个坛,放好晒啲验孕棒,同埋又写住『I am pregnant』,我叫佢帮我入去攞厕纸,点知佢几次都见唔到,到佢见到就以为我整蛊佢,我话俾佢知系真,条线唔系假嘅,佢呆咗,之后感动到喊,我见到佢咁都好感动。」




其实翠翠都只系有口话人,因为佢自己都紧张到痺,事关原来佢口中「放好晒啲验孕棒」系讲紧唔系一枝,而系用咗3、4打唔同牌子嘅验孕棒,都咪话唔夸张,不过人生第一次紧张系好正常。




问到翠翠打算顺产定开刀?佢话已经决定咗系开刀,因为自己有少少惊,佢又话:「医生话我BB比一般呢个周数嘅BB大,证明之前补身冇白费。」据知,翠翠老公知道佢有咗兴奋到爆,但就一直忍住唔同任何人讲,等到老婆够3个月,第一时间返公司宣佈喜讯。



叶翠翠表示佗B后有点不适应,她说:「经常觉得好攰,就算出街行个零钟已经觉得攰,依家九点几就要瞓。食唔到嘢,情绪麻麻,好彩冇呕。」之前在微博表示老公病倒的叶翠翠,指初时是自己生病,现在则轮到老公病:「因为我依家唔可以食药,所以都会食多啲维他命C,要小心身体。」



今早,叶翠翠也在微博上正式公开喜讯「小生命快来到我们的家庭了」,翠翠又附上三张相,其中一幅抱住爱犬,等bb出埋世,就变成一家四口喇。





我要推荐
转发到